كيف امارس الرياضة

السلام عليكم
وعليكم السلام والرحمه


انا قررت امارس الرياضه
شي حلو وجميل ومهما كنتي نحيفه راح تفيدك

ولكن ما اعرف كيف ابدا!!

شوفي عزيزتي مشكلتنا من النوع اللي يستعجل على كل شي

بس الشي الصحي يكون بالتدرج وبهدوء حتى إذا ماريحنا جسمنا يريحنا هو أكثر

إبدئي بالمشي أول يوم خمس دقايق متواصله ثاني يوم 10 دقايق متواصله ثالث يوم ربع ساعه متواصله

إلى أن تصلي لوقت يريحك

إن كنتي ماشيه على نظام غذائي

ماأجمل إنك تمارسين الرياضه ساعه إلى ساعتين متواصله وتحطين جدول عندك \

وتوزنين نفسك قبل ممارسة الرياضه

ولاتعتمدين على الميزان كمقياس رئيسي في إنقاص وزنك بل على المقاس بالسنتيمتر

لأن الجسم يوصل أحيانا لمرحلة ركود يتوقف فيها الوزن عن النزول

خاصه لو كنتي توزنين نفسك يوميا راح تنجنين

والحل هو تجمعين بين قياس جسمك بالسنتمتر قياس الخصر الأرداف الصدر قبل البدء بالرياضه

وبعدين كل فتره تقدرين تقيسين ثيابك ويفضل يكون الوزن إسبوعي مع الإلتزام بالرياضه

وحطي في بالك إن السنه 52 إسبوع لو نقصتي كل إسبوع كيلو تكونين تخلصتي من كل الكيلو جرامات الزايده


بالنسبه لنوع الرياضه بعد كذا وخاصه إذا وزنك زايد عشان ماتتحول مشكلتك من زيادة وزن

لآثار نقص الوزن اللي هي ظهور خطوط عميقه من السلوليت

هنا تضيفين للمشي :

إذا عندكم نادي قريب منكم لعبي الآيروبكس اللي هي التمارين السويديه عادة تكون مدتها ساعه

وقبلها نص ساعه على الأجهزه وبعدها نص ساعه على الأجهزه الرياضيه

ماأدري على حسب بلدكم بس إذا في مجال ونادي نسائي تكون رياضتك فيه السباحه لأنها من أروع الرياضات

مافيها ضغط على المفاصل وممكن لو تعلمتي طريقة السباحه لأنها أنواع منها طريقة الفراشه

فهمتي قصدي أنا ماأقصد السباحه الحركه تجلسين في المسبح أو تتحركين حركه حره

أنا أقصد السباحه كرياضه لو توفرتلك لاتفوتينها أبدا ولو 3 مرات في الإسبوع أعرف وحده نقصت 35 كيلو

بس من هالرياضه



تكونين لعبتي ساعتين يوميا

إذا تبين ريجيم توني باديه أسوي ريجيم رائع بمعنى الكلمه وهذا رابطه تفضلي :



http://www.noo-problems.com/vb/showthread.php?t=77535

ممكن تجاوبون على اسالتي يا اهل الخبره
والله خبرتي متواضعه بجاوبلك منها وإعذريني عزيزتي حبيت أفيدك لان من أسئلتك من جاوبتني عليها مدربتي سلفا

ماهي تمارين الاحماء ؟؟
إن شاء الله يحطونها لك إخواني اللي هنا بس عن نفسي ثلث ساعه متواصله من المشي بهروله

تخليني جاهزه لأي تمرين كان

وعادة قبل الآيروبكس يطلبون منا نلف قاعة الآيروبكس لمدة دقيقه

وماهي اسهل رياضه ماتسبب الملل؟؟

الرياضه الممتعه بالنسبه لك بس بالنسبه لي وعلى الإطلاق السباحه

مع مراعاة إن الدوره الشهريه وقت غير مناسب إطلاقا للرياضه

والتمارين قبل الاكل ولا بعده؟؟

التمارين مهم جدا إنك ماتمارسينها أبدا وإنتي شبعانه ولا حتى على معده تعتصر جوعا لأنها تحتاج بذل مجهود

إذا كان أكلك ثقيل كبسه ماكبسه ثقيل في كميته وفي طريقة إعداده فساعتين قبل التمرين مهمه

أما إن كان أكلك خفيف ساندوتش وعصير طازج أو حليب أفضل ساعه قبل التمرين تكون فيها معدتك خاليه من الطعام

قبل ليله مثلا كذا ممكن تتعبين وإحنا هدفنا من الرياضه مش الإرهاق بل النشاط والحيويه

إن كانت معدتك خاليه ممكن تآكلين كوب عصير برتقال حتى تتقوين على التمرين إن كنتي ستمارسينه مباشره

عزيزتي بقولك سر قبل التمرين إذا أخذتي كوب من القهوه راح يساعدك على حرق الدهون من 30 إلى 50 بالمئه أكثر

يعني لو كنتي راح تحرقين 350 سعره حراريه ممكن تحرقين بدلها 700 سعره أو 500 سعره

هذا مشروب قبل التمرين مباشره


واذا خلصت التمرين وش اشرب ؟؟

نصيحة مدربتي تشربين لك كوب دافيء من نعناع أو ينسون او بابونج الأعشاب جميله جدا لإسترخاء العضلات بعد

ماشديتيها بالتمرين أو حتى إكليل الجبل الي هو روز ماري الي هو حصالبان تحطينه في كوب ماء مغلي تتركينه ربع

ساعه ثم تشربينه

وهل مسموح بالماء خلاال التمرين؟؟
إحنا الآيروبكس مقسم عندنا لفقرتين بينهم ضروري تشربين مويه لدرجة إن مدربتي تقولي إذا كنتي صايمه لاتجين عشان في هالوقت تحديدا الماء مهم جدا

اللي يكون بين التمارين اللي وأنا واقفه فيهم أو جالسه لتمارين مفترشة الأرض بينهم ضروري الماء

وبشكل عام وحده من مدرباتي كانت ماتنصحني أشرب مويه كثير وقت التمارين والثانيه تقول إشربو مي كثير

ومدري وش السبب بس أشوف إن شربتيه إذا حسيتي بالعطش وبقنينه قريبه منك مش مشكله بس مايكون بس هذا الوقت اللي تشربين فيه المويه

إشربي على الريق 8 أكواب ماء عشان إحتياجات جسمك وكليتك الحيويه
وإذا إحتجتي في التمرين خذي على قدر حاجتك أو وقفي التمرين وإشربي كاس أو نصف كأس مويه وإرجعيله

أنا كثير أعطش في تمرين المشي بالذات

هل يمكن انام بعد التمرين؟؟

والله وبيني وبينك كنت ألعب رياضه 3 ساعات يوميا وإذا رجعت أرجع مرهقه جدا وجسمي تعبان

لأني أقطعها تماما وأرجعلها بقوه وتجيني آلآم كثيره من هالسبب

لاكن حاولي تكون الرياضه في منتصف يومك عشان تقويك أكثر وإن كانت عندك بذل مجهود كبير خليها وقت متأخر

بس الي سمعته والعهده على الراوي إن التمارين قبل النوم تخلي الجسم يستيقظ وتصعب عملية النوم

فلو كنتي ممن يعانون الأرق إحرصي يكون في فتره بينها وبين فترة نومك وإن كانت ماتسبب لك مشكله أبدا

في النوم نامي وقت ماتحبين

ملاحظه ابي تمارين البطن وعندي آلام في الظهر

لاحول ولاقوة إلا بالله دام عندك آلآم في العظام ياربي تكونين قادره على الإشتراك بنادي تلعبين فيه رياضة السباحه

وياليت تعالجين تمارين ظهرك أولا وتتفقين مع طبيبك عن التمارين المناسبه لك وهل تناسبك الآيروبكس اللي هي

التمارين السويديه أو لأ

وإذا كان في علاج بينك وبين التمارين ممكن تآخذينه

بس ظروري تزورين طبيب العظام قبل إختيار الرياضه المناسبه لك

وأنا إخترتلك السباحه لانها مافيها ضغط على المفاصل

وجزاك الله خير على هالزياره الحلوه وراح أهديك ريجيمي كيف ننحف بسرعه وبصحه

وراح يناسبك لو ماكنتي مريضة سكر لان فيه بطاطا

اعرف اني مصختها ولكن مالي غيركم بعد الله
وتقبلوا تحياتي
التوقيع

انت رياضية
ايضا جميل ما طرحت
راق انتقائك لي